天生攣必須注意事項

1. 【 不可任由它自然乾 】 天生攣已經難打理，如果由佢自然乾，個頭就會更失控，難上加難。

2. 【 一定要保濕 】 天生攣就等同天生缺水，保完水之後會好容易吹直，記住唔係狂滋潤，係狂保濕，幾時都要，不論係已經拉直左果part定係仲係攣果part，一日要保幾次濕， 尤其係吹頭前或者夾頭髮前，係用熱力改變頭髮形狀之前既一刻，頭髮一定要搽左保濕既野先，呢個我有好野推薦，吹頭前就用protective spray噴哂全部頭髮，唔洗慳，信我，你個頭係唔識笠架，跟手即刻用埋silk potion spray，都係唔好慳，一落梳去吹直，你會發現比平時易十倍吹到想要既效果同埋更順滑，如果用夾夾，就要記得吹乾哂成個頭先好開始夾，最後先用potion oil，就perfect喇！’

3. 【 要Keep住焗油 】 好多攣毛仔女都會做負離子拉直頭髮，雖然容易打理而且可將極度捲曲既頭髮都變得順直，但頭髮一生出黎又要再做，又開始loop，長左又去拉直，長左又去拉直，只會令頭髮極度受損，咁落去都唔係辦法，咁點算呢？ 一定要定時做焗油護理頭髮，兄弟姊妹們，唔係你記得先去焗，因為你d頭髮係唔會等你得閒先流失水分。要用你溫暖的雙手感受一下，如果feel到佢開始乾旱缺水，就係你要焗油既時候喇，所以去返第2點，如果你每日keep到狂保濕，就唔會咁快缺水喇，都係唔明呀？不如你落黎搵我地問下啦，我地好樂意解答你地既問題，大家開心share嘛！

4.【 不可用牙剪偷薄頭髮 】 千萬唔好因爲覺得佢好似好厚，而去搵牙剪偷薄佢呢個實在係令個頭髮衰上加衰既致命傷因為新生既攣攣頭髮會不停係個根度標出黎，而髮尾因為不停既偷薄而愈黎愈薄，咁樣除左會令到個髮型，不停係髮根厚髮尾薄呢個loop度不停輪迴，仲有牙剪其實分好多種，如果你既髮型師用既靚剪都還好d，如果係自己求其買既就gg喇（gg解釋）唔靚既牙剪剪完既頭髮會好易開叉，開叉又會流失水分，流失水分把頭髮又乾，總之真係一個好恐怖既loop啦！